ხშირად დასმული კითხვები (FAQ)

როგორ მივიღო მონაწილეობა გათამაშებებში?
კონკურსებში მონაწილეობის მისაღებად, გთხოვთ გაიაროთ რეგისტრაცია და e-mail ვერიფიკაცია (დააჭიროთ მეილზე მიღებულ ბმულს), გაეცნოთ ვებ-გვერდით სარგებლობის წესებს.

იმ შემთხვევაში თუ მონაწილეობს იღებთ პრემიუმ ან მთავარ გათამაშებაში, საჭიროა შეძენილი გქონდეთ ერთ-თვიანი პრემიუმ პაკეტი (ფასი - 2 ლ.). 

უფასო გათამაშებებში მონაწილეობა, თავისთავად, უფასოა და პაკეტის შეძენის გარეშეც შეგიძლიათ.
რა ტიპის გათამაშებები არსებობს და რა ღირს მათში მონაწილეობა?
არსებობს შემდეგი ტიპის გათამაშებები:

ა) უფასო გათამაშება
განთავსება: საწყისი გვერდის ქვედა მხარე
პრიზები: ფასდაკლების აქციები და სხვა შედარებით დაბალფასიანი პრიზები
საფასური: მონაწილეობა უფასოა

ბ) პრემიუმ გათამაშება
განთავსება: საწყისი გვერდის ზედა მხარე
პრიზები:
სხვადასხვა საინტერესო პრიზი და მომსახურება
საფასური
: 1-თვიანი პრემიუმ პაკეტის საფასურია 2 ლ. (თვის განმავლობაში მიიღებთ მონაწილეობას ყველა პრემიუმ და მთავარ გათამაშებაში)

გ) მთავარი გათამაშება
განთავსება: საწყისი გვერდის უკიდურესი ზედა ნაწილი
პრიზები: ძვირადღირებული პრიზები და მომსახურება
საფასური: პრემიუმ პაკეტის შეძენის შემთხვევაში, შეძლებთ მთავარ გათამაშებებში მონაწილეობასაც
როდის იწყება გათამაშებები?
გათამაშებები დილის 10 საათიდან იწყება და ღამის 12 საათამდე გრძელდება.

დაწყების დროის მიხედვით არსებობს ორი ტიპის გათამაშება:

ა) გათამაშების დრო ცნობილია (მიმდინარეობს უკუთვლა) - გათამაშების დრო კონკურსანტებისთვის წინასწარ არის ცნობილი. გათამაშებაში მონაწილეობის მისაღებად, საჭიროა დაელოდოთ უკუთვლის დასრულებას.

ბ) გათამაშების დრო უცნობია ("მოულოდნელი გათამაშება") - მოულოდნელი გათამაშებისას, პრიზის გათამაშების ზუსტი დრო უცნობია კონკურსანტებისთვის. გათამაშებაში მონაწილეობის მისაღებად და პრიზის მოსაგებად, აუცილებელია ვებ-გვერდის ხშირად შემოწმება, რათა არ გამოგრჩეთ კონკურსის უკუთვლაზე გადასვლის მომენტი (კონკურსის დაწყებამდე 10 წამით ადრე ასევე გაიგებთ ხმოვან შეტყობინებას).
როგორია გათამაშებების მიმდინარეობა?
გათამაშებაში მონაწილეობის მისაღებად:

  1. დაელოდეთ მის დაწყებას (უკუთვლის დასრულებას);
  2. შედით კონკურსის შიდა გვერდზე და დააჭირეთ ღილაკს - "გათამაშების დაწყება";
  3. დაელოდეთ რამდენიმეწამიანი სარეკლამო შეტყობინების დასრულებას (რომლის გამოტოვებაც შეუძლებელია და ყველა მონაწილეს თანაბარ დროს ართმევს);
  4. დაიწყეთ კითხვებზე პასუხის გაცემა:
    • კითხვების რაოდენობა - 3 ან მეტი (ერთ კითხვაზეც კი არასწორი პასუხის გაცემის შემთხვევაში, ავტომატურად ეთიშებით მიმდინარე გათამაშებას);
    • კითხვის ტიპები - ტექსტური, ფოტო ან ვიდეო;
    • პასუხის ტიპები - ჩამოთვლილთაგან ერთი სწორი პასუხის მონიშვნა, ჩამოთვლილთაგან რამდენიმე სწორი პასუხის მონიშვნა, პასუხების სორტირება მითითებული ლოგიკით, პასუხის ხელით შეყვანა.
  5. დაელოდეთ გათამაშების დასრულებას - გათამაშებები სრულდება 15 წუთში იმ შემთხვევაში, თუ გამოვლინდება გამარჯვებულების წინასწარ განსაზღვრული რაოდენობა. თუ 15 წუთში გამარჯვებულთა წინასწარგანსაზღვრული რაოდენობა ვერ გამოვლინდა, თამაში გრძელდება და სრულდება შესაბამისი რაოდენობის გამარჯვებულების გამოვლენის შემდეგ.
როგორ და რამდენად სამართლიანად ხდება გამარჯვებულის გამოვლენა?
გამარჯვებულია ის კონკურსანტ(ებ)ი, რომელიც გათამაშების დაწყებიდან ყველაზე ადრე (და არა ჯამურად ყველაზე მოკლე დროში) დააფიქსირებს ყველა კითხვაზე სწორ პასუხს. მისი გამოვლენა კი სპეციალური პროგრამის საშუალებით, მექანიკური ჩარევის გარეშე, ავტომატურად ხდება - შესაბამისად, სანდოობა გარანტირებულია.
გათამაშებაში გავიმარჯვე, ახლა რა უნდა გავაკეთო?
გათამაშებაში გამარჯვების შემთხვევაში, ვებ-გვერდზე გამოგიჩნდებათ მისალოცი შეტყობინება, სადაც ასევე მოთხოვნილი იქნება თქვენი ტელეფონის დაზუსტება და ზოგიერთ შემთხვევაში, პრიზის მიღების სასურველი ფორმის არჩევა (იმ შემთხვევაში, თუ აირჩევთ პრიზის ადგილზე მიტანის სერვისს, გამოგიჩნდებათ მისამართის შეყვანის ველიც და კურიერი 5 დღის განმავლობაში ადგილზე მოგიტანთ პრიზს).

ამის შემდეგ SMS-ისა და ელ. ფოსტის საშუალებით მოგივათ პრიზის კოდი [რომლითაც შეძლებთ პრიზის მიღებას] და ინფორმაციას მისი მიღების ფორმის, ადგილის, დროისა და ვადების შესახებ.
შესაძლებელია თუ არა პრიზის თბილისის გარეთ ან სხვა პირისთვის გადაცემა?
ჯერჯერობით, პრიზის გადაცემა მხოლოდ თბილისის ფარგლებშია შესაძლებელი. თუ თბილისში არ იმყოფებით, გამარჯვების შემდეგ თქვენთვის გამოგზავნილი პრიზის კოდი შეგიძლიათ გადასცეთ თქვენთვის სასურველ პირს, რომელიც თქვენ ნაცვლად შეძლებს მის მიღებას.
ერთხელ უკვე მოვიგე პრიზი, შეიძლება კიდევ ვითამაშო?
ერთი დღის განმავლობაში ერთ კონკურსანტს მხოლოდ 2 პრიზის მოგების უფლება აქვს. ამის შემდეგ, სისტემა მომდევნო დღემდე არ მოგცემთ გათამაშებებში გამარჯვების საშუალებას. თუმცა, კონკურსებში მონაწილეობის უფლება მაინც გექნებათ და შეგეძლებათ დააგროვოთ ქულები რეიტინგისთვის (რეიტინგის გვერდი მომავალში დაემატება საიტს).
რატომ ვერ ვახერხებ Facebook-ის საშუალებით რეგისტრაციას?
თუ Facebook-ის საშუალებით ვერ ახერხებთ რეგისტრაციას, დარწმუნდით, რომ გავლილი გაქვთ Facebook e-mail ვერიფიკაცია. დეტალური ინსტრუქცია იხილეთ მოცემულ ბმულზე.